HANYSOLAND

Rybok

Jo by sie chcioł dowiedzieć jakie mocie doświadczynie z niymieckimi rusami? Chyba kupa z nos robi z ruskimi niymcami albo mo ich za nachbarów?

Sheriff

jak jo kedys miyszkol downij we bloku to miolech na 8 nachbarow aze 3 Ruskich (3 famileie ze Polski, 3 Ruske i 3 Nimiecke)(jak we wicach Polok,Rusek i Niymiec)

Musza padac co mi sie z nimi fajnie miyszkalo do kupy. Robotne chopy. Jedyn ino na socjalu siedziol i w kule rznol ale za to ryby wyndzil na strychu i bimber w szranku w pywnicy zowdy miol. Czosym my sie siedli i jechali az do switu zawarci we pywnicy przi kupie dymu ze cygaretow.

Roz pamiyntom we niydziela polozlech krauzy zaniys rano do pywnice i przed lobiodym juz bylech zimny.
te pierony Kazachy majom kofry do picio jak diobli niy to co jo. Loni sam walili aze do wieczora w tyn dziyn.

Jo sam Ruskich dobrze spominom tak we skrocie i na gipko.

sloneczko

niy mom doświadczynio bo żodyn kole mie niy miyszko ani niy robi

Zefek

we Gleiwitz?
ponad pouowa je za Buga

sloneczko

ale to poloki zza buga a niy niymcy,i niy yno zza buga ale z całyj polski

Zefek

no to ponad90%

Rybok

Kajś 20 lot -zpowrotym miołech takie przeżycie co do końca mojego życia niy zapomna.Lata 80-te krótko po przyjeżdzie do niymiec wybrołech sie kupić auto na giełda w Stuttgarcie. Tam kupiłech sie Volvo i cały dumny i blady przyjechołech nim do Lagru kaj cało gadzina z całyj europy miyszkała.
My w tedy miyszkali w Schwarzwaldzie a schwarzywald wiadomo to som górki. Mieli my tam taki dupny paring i tam żech sie zaparkowoł na takim lekim wzniesiyniu. Poszłech wszystkim powiedzieć ze kupiłech sie po dwóch miesioncach w niymcach auto. Jak my całom familiom i znajomymi przyszli go zoboczyć to zoboczyłech jak moje auto tyłym dobiło do Opla. Jak sie potym okozało mój hamulec rynczny był do dupy. Pieruńsko głupio mi sie zrobiło i poszłech szukać własciciela tego Opla. Okozoł sie nim taki nawet sympatyczny rusek.Przyszed pooglondoł i godo że idzie po spejalisty.Za chwila przyszli we dwóch ale okazało sie że tyn drugi to jest specjalista łod elektryki a tam były blechsachy.Za jakiś czas przyszed jedyn połoglondoł co i jak, pogodali po rusku i pokozali mi że sprawa jest do załatwiynia ale to kosztuje conajmnij 2 Gorbaczowy. Jo był cały heppi i poleciołech na tanksztela kupić 2 Gorbaczowy krzynka piwa takie gummibären na zagrycha i kożdymu kupiłech kawa z automatu żeby my mieli te kupki z kawy jako kieliszki na gorzoła.
Jedyn z tych rusów powiedzioł że bydzie loł ta gorzoła. Jak powiedzioł tak sie stało a jo myśloł że mnie szlag trafi. Piyrszy roz w życiu piłech z kieliszków co na oko miały tak 150-200 gram.Ale wtedy byłech jeszcze młody i niy chciołech pokozać że tego niy umia pić. Z gorzołom tak po godzinie byli my fertig i pili my piwo. Rusy jak to rusy chcieli pokozać że tyż swój honor majom i godajom mi że teraz to oni kupujom coś do picia.Wtedy co my pili była sobota i geszefty były pozamykane i tanksztela tyż już zamknyli tak że zaczli my sie pytać kaj by tukej jako melina znalyż. Wtedy jedyn Rumun powiedzioł nom że we wsi jest całkim legalno schnapsbrennerei i tam mogymy sie kupić gorzoły wiela chcymy.
Brennerei bez problymów my wyszukali i rusy kupili kożdy po jednyj litrowyj flaszce.Teraz mieli my litr gorzoły z czereśni,litr z śliwek, i jedyn litr z jałowca.Przyszli my zaś na parkplac i zaczli my dalij pić. Jedyn z rusów polecioł do dum i przynius jeszcze na zagrycha słoik kapusty kiszonyj i marynowane pomidory w krałzie. Jak sie ta impreza zakończyła to sie mnie nie pytejcie, ale była to moja najwiykszo popijawa w mojim życiu.Do dum ponoć sie doczołgołech i ci co mnie widzieli powiedzieli że wyglondołech jak pustelnik z Halymby z poziomu 1020 po wybuchu pyłu wynglowego.Calo niydziela leżołech w łóżku i w poniydziałech niy bylech w stanie isć do roboty, i zaliczylech doktora. Tymu żech noopowiadoł że najodłech sie grzybów i sie zatrułech.Doktor doł mi 3 dni frei i powiedzioł że niy mom jesć tych grzybów czerwonych z kropkami biołymi Ya winkles

Po tym wszystkim kajś przez 3 miechy niy mogłech sie nawet popaczeć na gorzoła bo zaroz żołondek podchodził do przełyku
Z rusami już nigdy wiyncyj gorzoly pić niy byda i was przeszczegom przed tym strasznym doświadczynim.
Jeszcze dzisiej jak czuja zapach jałowca to resztka włosów na głowie stoji mi na baczność

Zefek

Som Ludzie i Ludziska
na niymieckich rusof niy moga nic zuego padac
poczebowou zech Hilfa ouni pomogli czego niy moga pedziec o Polokach i niyktorych Slondzokach .
i co nojwazniejsze uoni niy byli zowistni -jak ci sie co udauo ,cieszyli sie ze tobom.
Pisza o starszym pokolyniu-ze muodziokami niy mom duzo do czyniynio.
Juz zech kajs schkryflou ze "kultura czuowieka"niy je przirodzono.czeba jom poznac i je egal kaj to robisz.

HILDA & HANS

Rusy ze Polokami kupa wspólnego majom.

papa z zobrza

jo ino ze wojska pamiyntom ruskow i tyz moga pedziec ze tak lotwartego i zyczliwego narodu zech niy spotkol

Kreplik z Wiednia

Duzo ruskich przebywa na bazarach polskich rowniez prayer

papa z zobrza

zgadzo sie kreplik jyno niy na slonsku tukej wiyncyj tych azjatow widywac

Pulok

Polacy, Turcy, Wlosi, Ruscy i troche Afryki. To sa wlasnie Niemcy XXI wieku

Peter

Pulok

Zagrozenie takowe dawno minelo.